Informacion rreth qytetit

Bashkia e Peqinit kufizohet në veri me bashkinë Tiranë, në lindje

me bashkinë Elbasan, në juglindje me bashkinë Cërrik, në jug me

bashkinë Belsh, në jugperëndim me bashkinë Lushnje dhe në

veriperëndim me bashkinë Rrogozhinë. Bashkia Peqin ka pasur

dhe ka një pozitë gjeografike shumë të favorshme. Ajo ndodhet

midis kordinatave gjeografike: 40°58‘58“ në jug dhe 41°0,9‘ 33“

në veri Në perëndim: 19°40’0” gjatësi gjeografike, dhe në lindje:

19°54’ 34” gjatësi gjeografike. Sipërfaqja e territorit të bashkisë Peqin

është 197.79 km2, me popullsi 39.741 banorë dhe dendësia mesatare

200.925 banorë (sipas Regjistrit të Gjendjes Civile, janar 2021). Në të

kaluarën sipërfaqja e qytetit ka qenë më e madhe, por me masat e marra

nga shteti gjatë periudhës së komunizmit, këto sipërfaqe i kanë kaluar

qyteteve fqinje si Lushnja, Tirana etj. Nga lindja në perëndim kalon rruga

automobilistike dhe ajo hekurudhore Lartesia e relievit varion nga 20

deri në 610 metra e cila ndodhet në fshatin Cacabezë të njësisë administrative

Pajovë. Në luginën e Shkumbinit ka pisha të buta, të cilat shërbejnë për të

ruajtur tokën nga erozioni lumor. Në territorin e bashkisë Peqin ka gjetje

dhe gjurmime të shumë objekteve historike, si: Kalaja, via Egnatia, kulla e sahatit dhe xhamia,

sarkofagu, stolid he enë ilire etj.